Մարգարիտա Ռուխկյան
- Վիքիպեդիայում կան հոդվածներ Ռուխկյան ազգանունով այլ մարդկանց մասին։
| Մարգարիտա Աշոտի Ռուխկյան | |
|---|---|
| Ծնվել է | նոյեմբերի 7, 1937 (83 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Կրթություն | Երևանի միջնակարգ մասնագիտական երաժշտական դպրոց Չայկովսկու անվան և Երևանի Կոմիտասի անվան պետական կոնսերվատորիա |
| Գիտական աստիճան | արվեստագիտության դոկտոր |
| Մասնագիտություն | երաժշտագետ |
| Ամուսին | Կարեն Քալանթար |
| Ծնողներ | հայր՝ Աշոտ Ռուխկյան |
| Պարգևներ և մրցանակներ | ՀՀ արվեստի վաստակավոր գործիչ |
Մարգարիտա Աշոտի Ռուխկյան (նոյեմբերի 7, 1937, Երևան, Հայկական ԽՍՀ, ԽՍՀՄ), հայ երաժշտագետ։ Արվեստագիտության դոկտոր (2005)։ Հայաստանի արվեստի վաստակավոր գործիչ (2011)։ ԽՍՀՄ կոմպոզիտորների միության անդամ (1972)։
Կենսագրություն
[խմբագրել | խմբագրել կոդը]Մարգարիտա Ռուխկյանը ծնվել է Երևանում, անասնաբույժ-ընտրասերումնաբան, գյուղատնտեսական գիտությունների դոկտոր, պրոֆեսոր, ՀամԳԳԱ ակադեմիկոս, ՀԽՍՀ գիտության վաստակավոր գործիչ, ՀԽՍՀ ԳԱ անասնաբուծության ինստիտուտի տնօրեն (1944-1952) Աշոտ Ռուխկյանի և Սոֆյա Թադևոսյանի ընտանիքում։
1957 թվականին ավարտել է Պյոտր Չայկովսկու անվան միջնակարգ մասնագիտական երաժշտական դպրոցի դաշնամուրային դասարանը։ 1957-1962 թվականներին սովորել է Երևանի Կոմիտասի անվան պետական կոնսերվատորիայում՝ արվեստագիտության դոկտոր, պրոֆեսոր, ՀԽՍՀ և ՌԽՖՍՀ արվեստի վաստակավոր գործիչ Գեորգի Տիգրանովի ղեկավարությամբ պաշտպանելով «Էդվարդ Բաղդասարյանի դաշնամուրային պրելյուդները» խորագրով դիպլոմային աշխատանքը։
1963-1965 թվականներին աշխատել է Հայաստանի հեռուստառադիոպետկոմի երաժշտական խմբագրությունում որպես խմբագիր։ Ռուխկյանը 1965-1969 թվականներին սովորում է ՀԽՍՀ ԳԱ արվեստի ինստիտուտի ասպիրանտուրայում՝ ուսումնառությունն անցկացնելով Մոսկվայի արվեստագիտության համամիութենական ինստիտուտում՝ արվեստագիտության դոկտոր, պրոֆեսոր Վ. Ա. Վասինա-Գրոսմանի ղեկավարությամբ։ 1969 թվականին աշխատանքի է ընդունվել ՀԽՍՀ ԳԱ արվեստի ինստիտուտում՝ որպես երաժշտության բաժնի կրտսեր գիտաշխատող։ 1971 թվականին ՀԽՍՀ ԳԱ արվեստի ինստիտուտում պաշտպանել է թեկնածուական ատենախոսություն՝ «Հայկական սիմֆոնիայի կայացման և զարգացման որոշ հարցեր»թեմայով։ 1986 թվականից՝ Արվեստի ինստիտուտի ավագ գիտաշխատող։ 2005 թվականին պաշտպանել է դոկտորական ատենախոսություն` «Հայկական սիմֆոնիայի զարգացման արդի փուլը (Ավետ Տերտերյանի ստեղծագործության օրինակով)», և ստացել արվեստագիտության դոկտորի գիտական աստիճան։ 2007 թվականից զբաղեցնում է ՀՀ ԳԱԱ արվեստի ինստիտուտի երաժշտության բաժինը, 2009 թվականից՝ սփյուռքահայ արվեստի բաժնի առաջատար գիտաշխատող է[1]։
Ռուխկյանի գիտական հետաքրքրությունները կենտրոնացել են ազգային սիմֆոնիզմի, հատկապես՝ Ավետ Տերտերյանի ստեղծագործության հարցերի շուրջ։
Ամուսնու՝ կինոգետ Կարեն Քալանթարի հետ համահեղինակ են մի շարք վավերագրական ֆիլմերի՝
- «Գորանի»
- «Արմեն Տիգրանյանի «Անուշի» առաջին բեմադրությունը»
- «Հայաստանի արվեստը»
Պարգևներ
[խմբագրել | խմբագրել կոդը]- Բ. Ասաֆևի անվան Համամիութենական երաժշտագիտական մրցույթի դափնեկիր (1983) («Հայկական սիմֆոնիա։ Հետազոտական ակնարկներ» գրքի համար)
- ՀՀ ԳԱԱ վաստակագիր (2008)
- Հայաստանի արվեստի վաստակավոր գործիչ (2011)[2]
Երկեր
[խմբագրել | խմբագրել կոդը]- «Հայկական սիմֆոնիա։ Հետազոտական ակնարկներ» (1980, ռուսերեն)
- «Ավետ Տերտերյան։ Ստեղծագործությունը և կյանքը» (2002, ռուսերեն)
- «Դիմանկարներ» գիրքը (2009, ռուսերեն)
Ծանոթագրություններ
[խմբագրել | խմբագրել կոդը]- ↑ «Մարգարիտա Ռուխկյան, Արդի հայ երաժշտության հետազոտողը» (PDF). Արխիվացված է օրիգինալից (PDF) 2020 թ․ սեպտեմբերի 22-ին. Վերցված է 2015 թ․ հուլիսի 30-ին.
- ↑ Հայաստանի Հանրապետության պատվավոր կոչումներ շնորհելու մասին
| ||||||||||
